کراچی شہرکے ہرکونے سے آلائشیں اٹھانے کو یقینی بنایا جائے، ناصر شاہ

ناصر شاہ
Loading...

سکھر: وزیر اطلاعات سندھ ناصر شاہ نے کہا ہےکہ 5 سے 11 اگست تک موسلا دھار بارشوں کی پیش گوئی کی گئی ہے جس کی وجہ سے نالوں کی صفائی کیلئے پورے سندھ میں کمشنرزکو فنڈز بھیجے گئے ہیں۔

عیدالاضحیٰ کے دوسرے روز بھی قربانی کا سلسلہ جاری

سکھر میں میڈیا سے گفتگو کرتے ہوئے ناصر شاہ نے کہا کہ کراچی شہرکے ہرکونے سے آلائشیں اٹھانے کو یقینی بنایا جائے، ایس ایس ڈبلیو ایم اے صبح سے اچھا کام کررہی اور ڈی ایم سیز اپنے علاقوں میں آلائشیں اٹھانے کے بعد اسپرے کریں اور جراثیم کش پاؤڈر چھڑکیں۔

ناصر شاہ نے کہا کہ کراچی والوں کا حافطہ کمزور نہیں، پہلے تھوڑی سی بارش پر سڑکیں بند ہوجاتی تھیں اور اب کراچی میں کام ہوا ہے جو سندھ حکومت نے کیا ہے، بارش میں کراچی میں کچھ علاقے زیر آب آئے، 2 گھنٹے بعد پانی نکلنا شروع ہوگیا تھا، دو تین اور علاقے ہیں جہاں پانی کی نکاسی کا مسئلہ آتا ہے۔

ان کا کہنا تھا کہ عید پر ایس او پیز پر عمل نہیں ہوا جس سے کورونا کیسز بڑھنے کا اندیشہ ہے۔

loading...

وزیر اطلاعات نے کہا کہ کورونا ابھی آیا ہے اور پولیو سالوں سے چلتا آرہا ہے اس کے باوجود مہم چلانی پڑتی ہے، عید پر ایس او پیز پر عمل نہیں ہوا، اندیشہ ہے دوبارہ کیسز بڑھیں گے، وفاقی حکومت کی نااہلی ہر فیلڈ میں سامنے آچکی ہے۔

وزیر اطلاعات کا کہنا تھا کہ کورونا ابھی ختم نہیں ہوا، صرف ٹیسٹ کم ہوئے ہیں اور ٹیسٹ کم کرکے صرف مشتبہ مریضوں کےٹیسٹ لیے جارہے ہیں، وفاقی حکومت سے بات چل رہی ہے. این سی او سی سے رابطے میں ہیں، دعا ہے کورونا کا خاتمہ ہو معمولات زندگی دوبارہ بحال ہوں۔

(Visited 14 times, 1 visits today)
Loading...
Advertisements

Comments

comments

اپنا تبصرہ بھیجیں