اسحاق ڈار کی انٹرویو کے دوران ٹانگیں کانپ رہی تھیں، شہباز گل

Loading...

اسلام آباد: شہباز گل نے کہا ہے کہ اسحاق ڈار کی انٹرویو میں ٹانگیں کانپ رہی تھیں، باہر بیٹھ کر ملکی اداروں پر حملے کرنے والے ملک کے خیرخواہ نہیں۔

معاون خصوصی شہباز گل نے شہزاد اکبر کے ہمراہ نیوز کانفرنس کرتے ہوئے کہا کہ باہر بیٹھ کر یہ لوگ قومی اداروں کیخلاف بولتے ہیں، یہ ملک کا پیسہ لوٹ کر کہتے ہیں ہمارا مؤقف نہیں سنا جاتا، کل اسحاق ڈار برطانوی صحافی کے سوالات کے جواب نہ دے سکے، اسحاق ڈار سے پوچھا گیا آپ بیمار تو لگتے نہیں، جواب میں کہا گیا پاکستان میں انسانی حقوق کی خلاف ورزیاں ہوتی ہیں، اسحاق ڈار کی انٹرویو کے دوران ٹانگیں کانپ رہی تھیں۔

شہباز گل کا کہنا تھا برطانوی نشریاتی ادارہ بہت دیر سے نواز شریف سے رابطے کی کوشش کر رہا تھا، مریم صفدر کے مشورے پر اسحاق ڈار کو انٹرویو کیلئے بھیجا گیا، انٹرویو کے دوران کبھی زبان باہر آئی، کبھی آنکھیں ٹیڑھی ہوئیں۔

Loading...

قبل ازیں مشیر داخلہ احتساب شہزاد اکبر نے کہا کہ کل مفرور کا انٹرویو چلا جسے عوام دیکھ کر محظوظ ہوئے، اسحاق ڈار اینکر کے سوالات کا جواب نہیں دے سکے عدالتوں کا کیسے دیں گے، انہوں نے انٹرویو میں مضحکہ خیر باتیں کیں، اسحاق ڈار نے کہا نیب حراست میں متعدد لوگ جاں بحق ہوئے، انہوں نے کہا میری ایک ہی پراپرٹی ہے۔

شہزاد اکبر کا کہنا تھا اسحاق ڈار نے کہا میری ایک جائیداد ہے جس پر حکومت نے قبضہ کرلیا، اسلام آباد میں اسحاق ڈار کی 6 ایکڑ زمین ہے، ان کا ڈی ایچ اے فیز فور میں ایک گھر ہے، اسحاق ڈار کے بینک اکاؤنٹس میں کئی ملین رقم ہے، ان سے متعلق معلومات جے آئی ٹی میں سامنے آئی تھیں، اسحاق ڈار نے کیلبری کوئین کی طرح کہا میری کوئی پراپرٹی نہیں۔

(Visited 32 times, 1 visits today)
Loading...
Advertisements

Comments

comments

اپنا تبصرہ بھیجیں