کراچی: اداکارہ مایا علی اور شہریار منور کی ایک ساتھ ڈانس کرنے کی ویڈیو سوشل میڈیا پر وائرل ہو رہی ہے اور مداح دونوں کو خوب سراہ رہے ہیں۔
اداکارہ مایا علی کے بھائی افنان قریشی کی شادی کی تقاریب کی تصاویر اور ویڈیوز سوشل میڈیا پر وائرل ہورہی ہیں اور مایا علی دولہے کی بہن بنی ہوئی سب سے منفرد نظر آرہی ہیں۔
دو روز قبل افنان قریشی کی مایوں کی تقریب تھی جس میں مایا علی ہرے رنگ کا لباس زیب تن کیے بہت خوبصورت نظر آرہی تھیں۔
گزشتہ روز مایا علی کے بھائی کی شادی کی تقریب منعقد ہوئی جس میں اداکار شہریار منور بھی شریک ہوئے جب کہ شادی کی تقریب میں مایا علی اور شہریار منور کے رقص کی ویڈیو سوشل میڈیا پر وائرل ہو رہی ہے۔
وسیم اکرم کی اہلیہ شنیرا اکرم فلموں میں جلوہ گر ہونے کیلیے تیار
مداح دونوں کی جوڑی کو خوب سراہ رہے ہیں اور انہیں بہترین جوڑی قرار دے رہے ہیں۔
واضح رہے کہ اداکار شہریار منور کی منگنی ٹوٹنے کے بعد سوشل میڈیا پر کہا جارہا تھا کہ یہ منگنی مایا کی وجہ سے ٹوٹی ہے۔ فلم ’’پرے ہٹ لو‘‘ کے بعد دونوں اداکار ایک دوسرے کے قریب آگئے، تاہم مایا علی یا شہریار منور نے اس معاملے پر مکمل خاموشی اختیار کی ہوئی ہے۔
Discussion about this post