قرنطینہ کی خلاف ورزی کرونا مریضوں کو مہنگی پڑ گئی

Loading...

بحرین میں کرونا مریضوں کو قرنطینہ کی خلاف ورزی مہنگی پڑ گئی، مریضوں کے خلاف انکوائری شروع کر دی گئی۔

بین الاقوامی میڈیا رپورٹس کے مطابق دانستہ طور پر ہدایات کو نظر انداز اور پابندیوں پر عملدرآمد نہ کرنے پر 7 کورونا مریضوں کے خلاف قانونی چارہ جوئی کا آغاز کر دیا گیا۔

قرنطینہ خلاف ورزی کی شکایات پر پبلک پراسیکیوٹر نے مذکورہ افراد سے پوچھ گچھ کی اور انہیں عدالت میں پیش ہونے سے قبل قرنطینہ کی لازمی شرط پر مکمل عملدر آمد کی ہدایت کر دی۔

اطلاعات کے مطابق کورونا ٹیسٹ مثبت آنے پر ان افراد نے قرنطینہ کی لازمی پابندی کو نظرانداز کرتے ہوئے ہدایات کے برخلاف قرنطینہ سینٹر چھوڑ دیا تھا اور اپنے گھر منتقل ہوگئے تھے۔

Loading...

یورپ میں کرونا وائرس کی دوسری لہر سر اٹھانے لگی

ان میں سے کچھ دائمی امراض میں مبتلا تھے جب کہ 2 افراد 60 سے زائد عمر کے تھے جنہیں ہنگامی بنیادوں پر طبی امداد کے ساتھ ساتھ آئیسولیشن میں رہنے کی ہدایت کی گئی تھی۔

چیف پبلک پراسیکیوٹر نے زور دیتے ہوئے کہا ہے کہ طبی عملے کی ہدایات اور احتیاطی تدابیر پر سختی سے عملدرآمد کیا جائے اور وائرس کو پھیلنے سے روکنے کے لیے اٹھائے گئے اقدامات کو ہر گز نظر انداز نہ کیا جائے۔

(Visited 22 times, 2 visits today)
loading...
Advertisements

Comments

comments

اپنا تبصرہ بھیجیں