بیروت دھماکے پر ملکی اور غیر ملکی فنکاروں کا اظہار افسوس

بیروت
Loading...

کراچی: لبنان کے دارالحکومت بیروت میں گزشتہ روز ہونے والے ہولناک دھماکے پر جہاں پوری دنیا افسوس کا اظہار کررہی ہے وہیں پاکستانی اور ترک اداکاروں نے بھی اس واقعے پر نہایت غم کا اظہار کیا ہے۔

اداکار ہمایوں سعید نے دھماکے کے بعد بیروت کی تباہی کے مناظر کی دلخراش تصویر شیئر کرتے ہوئے بیروت اور وہاں کے لوگوں کے لیے دعا کی اور خدا سے سب کو حفظ و امان میں رکھنے کی بھی دعا کی۔

اداکارہ مہوش حیات نے بھی بیروت واقعے پر افسوس کا اظہار کرتے ہوئے کہا بیروت سے آنے والی تصاویر بہت ہی تباہ کن ہیں۔ میرا دل اور دعائیں حادثے میں متاثر ہونے والوں کے ساتھ ہیں۔

Loading...

ترگت نے شاہد آفریدی سے دلچسپ فرمائش کردی

ڈراما سیریل ’ارطغرل غازی‘ کے مرکزی اداکار اینگن التان دزیاتن نے بھی بیروت واقعے پر افسوس کا اظہار کیا اور متاثرین کے لیے دعا کی

حلیمہ سلطان کے کردار سے مشہور ہونے والی ترک اداکارہ اسرا بلجک نے بیروت واقعے پر کہا کہ وہ صدمے میں ہیں ان کے پاس کہنے کے لیے الفاظ نہیں ہیں۔ اپنے ٹوئٹ میں اسرا بلجک نے بییروت دھماکے کے متاثرین سے اظہار تعزیت بھی کیا۔

واضح رہے کہ گزشتہ روز بیرت کی بندرگاہ کے علاقے میں ہولناک دھماکا ہوا تھا جس کے نتیجے میں گردو نواح کے علاقے لرز اٹھے تھے اور شہر کے مختلف علاقوں کی عمارتیں اور گاڑیاں تباہ ہوگئی تھیں۔ دھماکے میں اب تک 78 افراد کی ہلاکتوں کی اطلاعات موصول ہوئی ہیں جب کہ 4 ہزار سے زائد افراد زخمی ہیں۔

(Visited 19 times, 1 visits today)
Loading...
Advertisements

Comments

comments

اپنا تبصرہ بھیجیں