وفاقی دارالحکومت اسلام آباد میں کرونا وائرس سے پہلی ہلاکت

وفاقی دارالحکومت اسلام آباد میں کورونا وائرس سے پہلی ہلاکت سامنے آئی ہے جہاں پمز اسپتال میں زیر علاج خاتون انتقال کرگئیں۔

پمز اسپتال کے حکام کے مطابق خاتون 12 مارچ کو برطانیہ سے وطن واپس پہنچی تھیں اور کورونا وارڈ میں 24 روز تک وینٹی لیٹر پر زیر علاج رہیں، خاتون کے پھیپھڑوں پر وائرس کا گہرا اثر ہوا تھا۔

جڑواں شہروں راولپنڈی اسلام آباد میں سب سے پہلے ان خاتون میں کورونا وائرس کی تشخیص ہوئی تھی، ان کے شوہر اور ایک رشتہ دار میں بھی کورونا کے ٹیسٹ مثبت آئے تھے جو علاج کے بعد صحتیاب ہو گئے۔

دنیا بھر میں کرونا وائرس سے ہلاکتیں 74 ہزار سے تجاوز کرگئیں

39 سالہ مریضہ برطانیہ سے وطن واپس آنے کے اگلے ہی روز اسپتال میں داخل ہو گئیں جو 24 روز بعد جان کی بازی ہار گئیں۔

واضح رہےکہ اسلام آباد میں کورونا وائرس کے کیسز کی تعداد 80 سے تجاوز کرگئی ہے۔

(Visited 21 times, 1 visits today)

Comments

comments

اپنا تبصرہ بھیجیں