اداکارہ نائلہ جعفری کے گھر پر کس نے حملہ کیا…. ؟

Loading...

گلگت: ٹی وی کی معروف اداکارہ نائلہ جعفری کے گھر پر مبینہ طور پر 2 افراد نے حملہ کردیا۔

اداکارہ نائلہ جعفری کی جانب سے آئی یو تھانے میں درخواست دائر کی گئی ہے جس میں اداکارہ نے موقف اختیار کیا ہے کہ ان کے گلگت میں واقع گھر پر مبینہ طور پر 2 افراد نے حملہ کردیا۔

حملہ آوروں نے نائلہ جعفری کے گھر پر پتھراؤ کیا اور انہیں گھر خالی کرنے کے لیے دھمکیاں بھی دیں۔ تاہم نائلہ جعفری حملے میں محفوظ رہیں۔

اداکارہ کا کہنا ہے کہ ملزمان ان سے زبردستی مکان خالی کرانا چاہتے ہیں۔ اداکارہ نے اپنی درخواست میں استدعا کی ہے کہ انہیں تحفظ فراہم کیا جائے اور حملہ کرنے والوں کے خلاف سخت کارروائی کی جائے۔

Loading...

بیروت دھماکے پر ملکی اور غیر ملکی فنکاروں کا اظہار افسوس

دوسری جانب آئی یو تھانے کے ایس ایچ او کا کہنا ہے کہ اداکارہ کی درخواست پر کارروائی شروع کردی گئی ہے۔ ایس ایچ او کے مطابق اداکارہ نے اپنی درخواست میں گھر پر حملے اور پتھراؤ کا تو ذکر کیا ہے مگر کسی کو بھی نامزد نہیں کیا ہے صرف ملزمان کا حلیہ بتایا ہے۔

واضح رہے کہ تین سال قبل کینسر کے موذی مرض میں مبتلا اداکارہ  نے بھارتی بزنس ٹائیکون سجن جندال کی پاکستان آمد پر احتجاجاً حکومتی مدد لینے سے انکار کردیا تھا۔ انہوں نے کہا تھا سرحد پر شہید ہونے والے میرے ہی خاندان کے لوگ ہیں دشمن سے ہاتھ ملانے والوں سے کون مدد لیتا ہے، مرجاؤں گی لیکن حکومت سے امداد نہیں لوں گی۔

(Visited 39 times, 1 visits today)
loading...
Advertisements

Comments

comments

اپنا تبصرہ بھیجیں