شیاؤمی نے بہترین فیچرز اور منفرد ڈیزائن والا اسمارٹ فون متعارف کرا دیا

شیاؤمی کے پوکو برانڈ کا نیا اسمارٹ فون آئندہ ہفتے پیش کیا جا رہا ہے اور اس کے ڈیزائن کی تصاویر پہلے ہی لیک ہو گئی ہیں۔شیاؤمی کی یہ ذیلی کمپنی عام طور پر فلیگ شپ فیچرز سے لیس فونز متعارف کراتی ہے جن کی قیمتیں حیران کن حد تک کم ہوتی ہے۔
اب 24 نومبر کو پوکو ایم 3 نامی اسمارٹ فون پیش کیا جا رہا ہے اور لیکس سے اندازہ ہوتا ہے کہ اس بارے میں منفرد ڈیزائن والی ڈیوائس متعارف کرائی جا رہی ہے۔خاص طور پر بیک میں کیمرا ڈیزائن کافی الگ ہے جس میں برانڈ کا نام نمایاں ہے۔
اس فون کے حوالے سے لیک ہونے والی تفصیلات کے مطابق پوکو ایم 3 میں 6.53 انچ کا ایف ایچ ڈی پلس ڈسپلے دیا جائے گا۔ فون کے ساتھ کوالکوم اسنیپ ڈراگون 662 پراسیسر دیا جائے گا جس کے ساتھ 4 جی بی ریم اور 6000 ایم اے ایچ بیٹری ہو گی جس کے ساتھ 18 واٹ فاسٹ چارجنگ سپورٹ ہو گی۔
فون کے بیک پر 3 کیمروں کا سیٹ اپ ہو گا جس میں مین کیمرا 48 میگا پکسل کا ہو گا۔ فون کی قیمت تو ظاہر ہے ابھی سامنے نہیں آئی مگر امکان یہی ہے پوکو ایم 3 سستا ہی ہو گا بالخصول پوکو کے آخری فون ایکس تھری کے مقابلے میں، جسج میں اسنیپ ڈراگون 7 سیریز کا پراسیسر دیا گیا تھا۔
پاکستان میں پوکو ایکس تھری کی قیمت 42 ہزار روپے ہے تو امید ہے کہ نیا فون اس سے سستا ہی ہو گا۔