مولانا فضل الرحمان نے مکس اچار پارٹی کی کرپشن پر پردہ ڈالنے کی ٹھان لی ہے، فیاض الحسن

فیاض الحسن
Loading...

لاہور: فیاض الحسن چوہان نے کہا ہے کہ ایک وقت تھا جب مولانا فضل الرحمان عورت کی حکمرانی کے خلاف فتوے دیا کرتے تھے، قسمت کی ستم ظریفی دیکھئے، آج وہی مولانا تھالی کے بینگن کی طرح بیگم صفدر اعوان کے جانب لڑھک آئے ہیں، مولانا فضل الرحمان آل شریف کی کرپشن، منی لانڈرنگ، اقربا پروری اور قوم سے بیوفائی کو تحفظ دینے کے لیے میدان میں نکل پڑے ہیں۔

سپریم کورٹ نے سندھ میں غیر اعلانیہ لوڈشیڈنگ پر وفاقی حکومت سے رپورٹ طلب کرلی

وزیر اطلاعات پنجاب فیاض الحسن چوہان نے اپنے ردعمل میں کہا کہ فضل الرحمان نے مکس اچار پارٹی کی کرپشن پر پردہ ڈالنے کی ٹھان لی، اس کردار کو بخوبی نبھانے پر مولانا کو ‘مولانا نواز شریف زرداری’ کا لقب ملا، نواز شریف کو سکیورٹی رسک قرار دینے والے آج ان کا دفاع کررہے ہیں۔

loading...

فیاض الحسن چوہان نے کہا کہ ن لیگ، پیپلزپارٹی سمیت بڑی پارٹیاں دو دن کی کال پر موچی دروازے، لیاقت باغ اور نشتر پارک میں لاکھوں کا مجمع اکٹھا کرتی تھیں، آج وہی پارٹیاں احتساب سے بچنے کے لیے  مولانا نواز شریف زرداری  کا کندھا لینے پر مجبور ہیں، عوام نے 2018 کے الیکشن میں بھی اور لاہور کے پہلے جلسے میں بھی انہیں مسترد کر کے ان کی حیثیت یاد دلا دی ہے، قانون کے دائرے میں رہ کر احتجاج کرنے پر حکومت کی جانب سے کوئی رکاوٹ کھڑی نہیں کی جائے گی، قانون ہاتھوں میں لینے یا عدالتی، ریاستی اور جمہوری اداروں کے خلاف ہرزہ سرائی کی صورت میں قانون حرکت میں آئے گا۔

(Visited 24 times, 1 visits today)
Loading...
Advertisements

Comments

comments

اپنا تبصرہ بھیجیں