کرونا وائرس سے مرنے والوں کی تعداد 1500 ہوگئی

کرونا وائرس

بیجنگ : چین میں کرونا وائرس 1500 زندگیاں نگل گیا جبکہ 65 ہزار سے زیادہ افراد اس جان لیوا وائرس کا شکار ہیں ، عالمی ادارہ صحت نے وائرس کو دنیا بھر کیلئے سنگین خطرہ قرا ردیا ہے۔

تفصیلات کے مطابق ہر گزرتے دن کیساتھ کرونا وائرس سے ہلاکتوں میں اضافہ ہورہا ہے، دسمبر سے پھیلے اس جان لیوا وائرس سے اب تک 1500 افراد ہلاک ہوچکے ہیں جبکہ متاثرین کی تعداد 65 ہزار ہوگئی ہے اور دو لاکھ سے زیادہ افراد طبی نگرانی میں ہیں۔

چینی صوبے ہوبے میں ایک ہی دن میں ایک سو سولہ افراد جان سے گئے، چینی شہرچونگ چنگ میں ڈس انفیکشن ٹنل بنادی ہے ، بیس سیکنڈ میں لوگ اس کے ذریعے انفیکشن پیدا کرنے والے جراثیم سے چھٹکارا پاسکتے ہیں۔ عالمی ادارہ صحت نے وائرس کو دنیا بھر کیلئے سنگین خطرہ قرا ردیا ہے، وائرس دنیا بھر میں بھی تیزی پھیل رہا ہے اب تک 28 ممالک میں 500 سے زیادہ کیسز رپورٹ سامنے آچکے ہیں جبکہ ہانگ کانگ، فلپائن اور جاپان میں ایک ایک ہلاکت ہوئی۔

ویتنام نے دارلحکومت ہنوئی میں وائرس کا پھیلاو روکنے کیلئے دس ہزارافراد پر مشتمل کمیونیٹی کو قرنطنیہ کردی جبکہ کروز شپ میں متاثرین کی تعداد دو 1800 ہوگئی اور امریکا میں پندرہواں کیس سامنے آگیا ہے۔

کرونا وائرس سے چین میں ہلاکتوں کی تعداد 800 سے تجاوز کرگئیں

برطانوی محکمہ صحت کا کہنا تھا کہ اب تک برطانیہ میں 1358افراد کے ٹیسٹ کیے گئے، برطانیہ میں اب تک 9 افراد میں کروناوائرس کی تصدیق ہوچکی ہے۔ یاد رہے عالمی ادارہ صحت نے وائرس کو ‘کووِڈ 19’ کا نام دیتے ہوئے کہا تھا کہ کرونا وائرس سے بچاؤ کی ویکسین 18 ماہ میں دستیاب ہوگی۔

خیال رہے کہ ہلاکت خیز کرونا وائرس چین کے انڈسٹریل شہر ووہان سے پھیلا ہے جس نے پوری دنیا کو اپنی لپیٹ میں لے لیا ہے، یہ وائرس سانس کے نظام میں شدید انفیکشن کا باعث بنتا ہے، اس کی علامات میں بخار اور خشک کھانسی شامل ہیں۔

(Visited 18 times, 1 visits today)
loading...

Comments

comments

کرونا وائرس,

اپنا تبصرہ بھیجیں