عمران صاحب اور پوری کابینہ کو شرم آنی چاہیے، مریم اورنگزیب

اسلام آباد: اپوزیشن جماعت پیپلز پارٹی کے بعد مسلم لیگ (ن) نے بھی وفاقی وزیر برائے آبی وسائل فیصل واوڈا سے استعفے کا مطالبہ کردیا۔

ترجمان مسلم لیگ (ن) مریم اورنگزیب نے سوشل میڈیا پر جاری بیان میں کہا کہ فیصل واوڈا نے عمران صاحب کے حکم اور ہدایت پر گھٹیا حرکت کی ہے، عمران صاحب اور پوری کابینہ کو شرم آنی چاہیے۔

الیکشن کمیشن نے وفاقی وزرا سمیت 318 ارکان اسمبلی وسینیٹ کی رکنیت معطل کر دی

انہوں نے وزیراعظم عمران خان پر برہمی کا اظہار کرتے ہوئے کہا کہ ‎24 گھنٹے بعد بھی فیصل واوڈا کے خلاف کارروائی نہ ہونا عمران صاحب کے حکم پر ان کی یہ حرکت ثابت کرتا ہے۔

مریم اورنگزیب نے مزید کہا کہ عمران صاحب کے دباؤ پر فیصل واوڈا کی بے نامی جائیداد پر قومی احتساب بیورو (نیب) کا کوئی ایکشن اب تک نہیں ہوا حالانکہ ایسے لوگوں کا پارلیمان اور کابینہ میں ہونا پاکستان کی بدقسمتی ہے۔

واضح رہےکہ وفاقی وزیر فیصل واوڈا کو نجی ٹی وی کے ٹاک شو میں فوجی بوٹ لانے پر شدید تنقید کا سامنا ہے کہ جب کہ وزیراعظم عمران خان نے بھی ان کے عمل پر ناپسندیدگی کا اظہار کیا ہے۔

Comments

comments