لاہور قلندرز نے گزشتہ پانچ سال کے دوران ٹیلنٹ ہنٹ کیلئے بہت کام کیا، سہیل اختر

Loading...

کراچی: لاہورقلندرز کے کپتان سہیل اختر کا کہنا ہے کہ ٹی ٹوئنٹی کرکٹ میں ایک دوپلیئرز کا پرفارم کرنا بھی کافی ہوتا ہے، ہمارے ہر کھلاڑی نے پرفارم کیا ہے جس کی وجہ سے فائنل تک پہنچے۔

پی ایس ایل 5: لاہور قلندرز نے ملتان سلطانز کو شکست دے دی

لاہورقلندرز کے کپتان سہیل اختر نے ورچوئل پریس کانفرنس میں اظہار خیال کرتے ہوئے کہا کہ لاہورقلندرز نے گزشتہ پانچ سال کے دوران ٹیلنٹ ہنٹ کیلئے بہت کام کیا اور یہ اسی چیز کا نتیجہ ہے کہ لاہور قلندرز آج  پی ایس ایل کے فائنل میں ہے، ٹی ٹوئنٹی کرکٹ میں ایک دوپلیئرز کا پرفارم کرنا بھی کافی ہوتا ہے، ہمارے ہر کھلاڑی نے پرفارم کیا ہے جس کی وجہ سے فائنل تک پہنچے۔

سہیل اختر کا کہنا تھا کہ پی سی بی نے دوٹرافیز رکھی ہیں، ایک ونر کو ملے گی اورایک رنراپ ٹیم کو دی جائے گی، جس کے نصیب میں جو ٹرافی ہوگی اسے مل جائے گی، جو بھی ٹرافی اٹھائے خوشی اس بات کی ہے کہ ٹورنامنٹ خیریت سے ہوگیا، لاہورقلندرز کو پورے پاکستان سے سپورٹ مل رہی ہے، فائنل میں پہنچنے والی دونوں ٹیمیں متوازن ہیں۔

Loading...

لاہور قلندرز کے کپتان نے کہا کہ فلڈ لائٹس میں کھیلنے یا نہ کھیلنے سے زیادہ فرق نہیں پڑتا البتہ پلے آف کے دونوں میچز فلڈ لائٹس میں کھیلنے سے ہمیں کافی فائدہ ہوا، جو اچھا کھیلا وہ جیت جائے گا، فائنل الیون کا فیصلہ وکٹ دیکھ کرکریں گے، محمد حفیظ بہت سینئیرکھلاڑی ہیں، ان سے مشورے کرتا رہتا ہوں تاہم آخری فیصلہ میرا ہی ہوتا ہے۔

(Visited 15 times, 1 visits today)
Loading...
Advertisements

Comments

comments

اپنا تبصرہ بھیجیں