کرونا وائرس سے ہلاکتوں کی تعداد 2000 سے تجاوز کرگئی

وائرس

بیجنگ: چین میں مہلک کرونا وائرس کے باعث مزید 136 افراد ہلاک ہو گئے، حکام کا کہنا ہے کہ کرونا وائرس سے ہلاکتیں 2000 سے تجاوز کر گئیں۔

تفصیلات کے مطابق چین کے شہر ووہان سے دنیا بھر میں پھیلنے والے خوف ناک اور نہایت مہلک وائرس سے ہلاکتوں کا سلسلہ نہیں روکا جا سکا، ہلاک ہونے والے افراد کی تعداد 2 ہزار سے بھی بڑھ گئی ہے۔

چینی حکام کا کہنا ہے کہ کرونا وائرس کے مزید ایک ہزار 749 کیس رپورٹ ہوئے ہیں، وائرس سے متاثرہ افراد کی مجموعی تعداد 74 ہزار سے بڑھ گئی۔

loading...

دوسری طرف جاپان کے ساحل کے قریب سمندر میں موجود جہاز سے مسافروں کا جزوی انخلا عمل میں آیا ہے، 500 کے قریب مسافر کروز شپ میں 14 روز سے قرنطینہ میں موجود تھے، مسافروں کے کرونا ٹیسٹ منفی آنے پر جانے کی اجازت دی گئی، بحری جہاز پر کُل 3700 افراد سوار تھے، 542 میں وائرس کی تصدیق ہو چکی ہے۔

کورونا وائرس دنیا کے لیے بہت بڑا چیلنج ہے، بل گیٹس

خیال رہے کہ جاپان کے شہر ٹوکیو کے قریب یوکوہاما پورٹ پر کرونا سے متاثرہ بحری جہاز میں پھنسے ہوئے برطانوی بھی وطن لوٹنے لگے ہیں، رپورٹس کے مطابق بحری جہاز ڈائمنڈ پرنسز پر پھنسے برطانویوں کے اس الزام کے بعد کہ فارن آفس نے انھیں بے یار و مددگار چھوڑ دیا ہے، 70 برطانویوں کی واپسی کا عمل شروع کر دیا گیا ہے،

جہاز پر آن بورڈ مسافروں میں کرونا کی تصدیق کے بعد برطانوی شہریوں میں غصہ بڑھ گیا تھا اور وہ حکومت پر شدید تنقید کر رہے تھے۔ اس جہاز پر سے امریکی شہری بھی نکالے جا چکے ہیں۔

(Visited 30 times, 1 visits today)

Comments

comments

اپنا تبصرہ بھیجیں