کرونا کیخلاف جنگ میں قومی کرکٹرز بھی شریک

لاہور: قومی کرکٹرز بھی کرونا کیخلاف جنگ میں شریک ہوگئے، ویڈیو پیغامات جاری کردیئے۔

کرونا وائرس کیخلاف جنگ میں قومی کرکٹرز بھی عوام کو آگاہی دینے کیلیے آگے آگئے، بی سی بی کی جانب سے جاری کئے جانے والے ویڈیو بیان میں بابر اعظم نے کہا کہ حفظان صحت کے اصولوں پر عمل کریں، احتیاط سے ہی اپنا اور اہل خانہ کا بچاؤ کرسکتے ہیں،آئیں سب ملک کر کورونا وائرس کو شکست دیں۔

فخر زمان نے پنجاب حکومت کی طرف سے شروع کی جانے والی آگاہی مہم ’’سلیوٹ سلام‘‘ کے حوالے سے ویڈیو بیان جاری کیا ہے، ان کا کہنا ہے وائرس کیخلاف جنگ میں ہم سب یکجا ہیں، پوری دنیا کورونا سے نبرد آزما ہے،احتیاط، احتیاط اور احتیاط ہی اس کا توڑ ہے، ’’سلیوٹ سلام‘‘ کی عادت اپناکر خود کو کورونا سے بچائیں، بار بار ہاتھ دھوئیں، غیر ضروری میل ملاپ سے اجتناب کریں۔ شہری حکومت پنجاب کے ساتھ تعاون کو یقینی بنائیں، انھوں نے اس عزم کا اعادہ کیا کہ حکومت ، ڈاکٹرز اور پیرامیڈیکل اسٹاف کے ساتھ مل کر کورونا کو شکست دیں گے۔

loading...

پشاور زلمی فیملی کا ایک بار پھر شکریہ ادا کرنا چاہتا ہوں، ڈیرن سیمی

پی سی بی کی جانب سے جاری کیے جانے والے پیغام میں محمد حفیظ نے کہا کہ تھوڑی سے احتیاط آپ اور اہل خانہ کو بیماری سے بچاسکتی ہے،ٹشو پیپر اور رومال استعمال کرنے کے بعد کوڑے دان میں پھینکیں۔

اظہر علی نے کہا کہ سب کو احتیاطی تدابیراختیارکرنے کی تلقین کریں، چھینک، کھانسی، کھانے سے پہلے ،ٹوائلٹ جانے کے بعد ہاتھ دھوئیں،آئیں سب مل کر کورونا کو شکست دیں۔

(Visited 9 times, 1 visits today)

Comments

comments

قومی کرکٹرز,

اپنا تبصرہ بھیجیں