سینما انڈسٹری کی بحالی کے لیے وزیراعظم کا اہم قدم

سینما انڈسٹری
Loading...

اسلام آباد: وزیراعظم عمران خان نے سینما انڈسٹری کی بحالی کے سلسلے میں جلد از جلد روڈ میپ پیش کرنے کی ہدایت کر دی ہے۔

تفصیلات کے مطابق آج وزیر اعظم کی زیر صدارت ملکی تشخص، تہذیب اور ثقافت کو اجاگر کرنے کے حوالے سے خصوصی اجلاس منعقد ہوا، جس میں سینما انڈسٹری کے کردار اور بحالی کے حوالے سے اقدامات پر مشاورت کی گئی۔

اجلاس میں وزیر اعظم کو ملک میں سینما کی بحالی کے حوالے سے تفصیلی بریفنگ دی گئی، ملکی تشخص اجاگر کرنے میں سینما انڈسٹری کے کردار پر بھی بریفنگ دی گئی، سینما انڈسٹری کو درپیش چیلنجز کے خاتمے کے لیے مجوزہ حکمت عملی پر بھی غور کیا گیا۔

اجلاس میں وزیر اعظم عمران خان نے انڈسٹری کی بحالی کی تجاویز پر جلد از جلد روڈ میپ پیش کرنے کی ہدایت کی، انھوں نے کہا مقامی سطح پر فلموں کی تیاری کے لیے مراعاتی پیکیج پر بھی لائحہ عمل پیش کیا جائے۔

Loading...

بلاول بھٹو کا فون، نواز شریف نے اے پی سی میں شرکت کی دعوت قبول کر لی

وزیراعظم نے کہا ملک و قوم کے منفرد تشخص کو ملک کے اندر اور عالمی سطح پر اجاگر کرنا ہے، پاکستانیت کا فروغ، نوجوان نسل کو قومی ورثے سے روشناس کرانا ہماری ترجیح ہے، سینما عوام کو معیاری، سستی تفریح کی فراہمی کا اہم ذریعہ ہے۔

انھوں نے کہا سینما معاشرتی اقدار، تہذیب و تمدن اجاگر کرنے میں اہم کردار ادا کرتا ہے، لیکن ملک میں سینما انڈسٹری کی زبوں حالی کی وجہ سے غیر ملکی مواد کی بھرمار ہے، جس سے نوجوان نسل کی تربیت کی کوششیں بھی متاثر ہوئیں۔

وزیر اعظم نے کہا سینما انڈسٹری کی بحالی کے لیے ترجیحی بنیادوں پر کوششوں کی ضرورت ہے۔

(Visited 14 times, 1 visits today)
loading...
Advertisements

Comments

comments

اپنا تبصرہ بھیجیں