پاکستانی اسکواڈ میں شامل تین کھلاڑیوں میں کورونا وائرس کی تصدیق

پاکستانی اسکواڈ
Loading...

پاکستان کرکٹ بورڈ (پی سی بی) نے 3 کرکٹرز حیدر علی، حارث رؤف اور شاداب خان کے کورونا ٹیسٹ کے نتائج مثبت آنے کی تصدیق کردی

رمیز راجہ نے پاکستان کرکٹ میں بہتری کیلیے 4 نکاتی پلان پیش کردیا

پی سی بی سے جاری بیان کے مطابق اتوار کو ٹیسٹ سے قبل تینوں کھلاڑیوں میں کووڈ 19 کی کوئی علامات نہیں پائی گئی تھیں۔

بیان میں کہا گیا کہ تینوں کھلاڑیوں کو فوری طور پر سیلف آئسولیشن میں جانے کی ہدایت کردی گئی ہے، جبکہ پی سی بی کا میڈیکل پینل اس سلسلے میں تینوں کھلاڑیوں سے مکمل رابطے میں ہے۔

یہ تینوں کھلاڑی دورہ انگلینڈ کے لیے اعلان کردہ پاکستان کے 29 رکنی اسکواڈ کا حصہ ہیں۔

دیگر دو کھلاڑی عثمان شنواری اور عماد وسیم کا ٹیسٹ منفی آیا ہے جس کے بعد دونوں کھلاڑیوں کو 24 جون کو لاہور پہنچنے کی ہدایت کی گئی ہے۔

پی سی بی نے کہا کہ شعیب ملک، کلف ڈیکن اور وقار یونس کےعلاوہ دورہ انگلینڈ کے اسکواڈ میں شامل دیگر تمام کھلاڑیوں اور آفیشلز کے کورونا ٹیسٹ آج مکمل کرلیے گئے ہیں۔

اسکواڈ میں شامل ان اراکین کے ٹیسٹ چار مختلف شہروں راولپنڈی، لاہور، کراچی اور پشاور میں لیے گئے۔

واضح رہے کہ قومی کرکٹ ٹیم کی روانگی انگلینڈ کی جانب سے چارٹر کیے گئے طیارے میں 28 جون کو متوقع ہے۔

Loading...

انگلینڈ پہنچنے کے بعد قومی ٹیم برمنگھم میں 14 روزہ قرنطینہ میں رہے گی جس کے بعد تربیتی کیمپ شروع ہوگا۔

پاکستان کرکٹ بورڈ نے دورہ انگلینڈ کے لیے 29 رکنی ٹیم کا اعلان 12 جون کو کیا تھا جس میں سابق کپتان سرفراز احمد کی واپسی ہوئی تھی اور نوجوان بلے باز حیدر علی کو بھی شامل کرلیا گیا۔

قومی ٹیم دورہ انگلینڈ میں 3 ٹیسٹ اور تین ٹی20 میچز کی سیریز کھیلے کی اور دورے کا آغاز 5اگست کو پہلے ٹیسٹ میچ سے متوقع ہے۔

طے شدہ شیڈول کے مطابق پاکستانی ٹیم میزبان ٹیم کے خلاف پہلا ٹیسٹ میچ 5 سے 9اگست تک مانچسٹر کے اولڈ ٹریفورڈ اسٹیڈیم میں کھیلے گی۔

سیریز کا دوسرا ٹیسٹ میچ 13 سے 17 اگست جبکہ تیسرا ٹیسٹ 21 سے 25 اگست تک ایجبسٹن میں کھیلا جائے گا۔

ٹیسٹ سیریز کے بعد دونوں ٹیموں کے درمیان تین ٹی20 میچوں کی سیریز بھی کھیلی جائے گی اور تینوں میچز اولڈ ٹریفورڈ اسٹیڈیم میں بالترتیب 28 اگست، 30 اگست اور یکم ستمبر کو منعقد ہوں گے۔

(Visited 27 times, 1 visits today)
Loading...
Advertisements

Comments

comments

اپنا تبصرہ بھیجیں