پی ایس ایل کے بقیہ میچز کب ہوسکتے ہیں ….؟

کورونا وائرس
Loading...

لاہور: پاکستان کرکٹ بورڈ (پی سی بی) کے چیف ایگزیکٹو وسیم خان کا کہنا ہے کہ پی ایس ایل فائیو کے بقیہ میچز نومبر میں ہوسکتے ہیں۔

تفصیلات کے مطابق پی سی بی کے چیف ایگزیکٹو وسیم خان کا کہنا ہے کہ فرنچائزز کی مشاورت سے فیصلہ کریں گے کہ سیمی فائنل ہوں یا پرانا فارمیٹ رکھا جائے، بقیہ میچز نومبر میں کھیلے جاسکتے ہیں۔

انہوں نے کہا کہ کرونا وائرس کے سبب کرکٹ بورڈ کو پہلے ہی نقصان ہوچکا ہے، کرکٹ بورڈ کو مزید نقصان ہوسکتا ہے۔

وسیم خان نے کہا کہ ہیڈ کوچ مصباح الحق کی کارکردگی پر کوئی تشویش نہیں ہے، مصباح کو تجربہ فراہم کرنے کے لیے اسلام آباد یونائیٹڈ کا کوچ بنایا گیا تھا، ٹی ٹوینٹی ورلڈ کپ کے بعد ہیڈ کوچ کی کارکردگی کا جائزہ لیا جائے گا۔

Loading...

چیف ایگزیکٹو پی سی بی کا کہنا تھا کہ محمد حفیظ پالیسی معاملات پر اثر انداز نہ ہوں، سماجی رابطے کی ویب سائٹ ٹویٹر پر کھلاڑیوں کے بارے میں رائے دینے کے حوالے سے حفیظ سے بات کروں گا۔

کرونا کیخلاف جنگ میں قومی کرکٹرز بھی شریک

واضح رہے کہ کرونا وائرس کے کیسز کی تعداد بڑھنے کے باعث پی ایس ایل فائیو کے سیمی فائنلز اور فائنلز میچز کو ملتوی کردیا گیا تھا۔

وسیم خان کا کہنا تھا کہ پی ایس ایل میچز ملتوی کرنےکا فیصلہ کھلاڑیوں، آفیشلز کا تحفظ کرنا ہے، پی ایس ایل کو مکمل کرانے کیلئے ہم نے بہت اقدامات کئے میچ بھی کم کئے اور پی ایس ایل سے منسلک تمام لوگوں کےتحفظ کیلئے اقدامات کئے۔

(Visited 34 times, 1 visits today)
loading...
Advertisements

Comments

comments

اپنا تبصرہ بھیجیں