چین مشکل کی گھڑی میں ہمیشہ پاکستان کے شانہ بشانہ کھڑا رہا، عارف علوی

Loading...

اسلام آباد: صدر مملکت ڈاکٹر عارف علوی کا کہنا ہے کہ پاکستان چین کے ساتھ اپنے تعلقات کو قدر کی نگاہ سے دیکھتا ہے۔ چین مشکل کی گھڑی میں ہمیشہ پاکستان کے شانہ بشانہ کھڑا رہا۔

عمران خان نے دہشت گردی کرنے والوں کو این آر او دیا، بلاول بھٹو

صدر مملکت عارف علوی نے کہا کہ بھارت چین پاکستان اقتصادی راہداری پر پریشانی پیدا کر رہا ہے۔ بھارت کے جارحانہ رویے سے علاقائی امن واستحکام کو خطرات لاحق ہیں۔

عارف علوی نے یقین دلایا کہ پاکستان ایک چین کی پالیسی کی حمایت جاری رکھے گا۔ پاکستان چین کے قومی مفاد کے اہم امور بشمول ہانگ کانگ، تبت اور تائیوان کے معاملہ پر ان کے ساتھ کھڑا ہوگا۔

چینی سفیر نے ہانگ کانگ اور قومی مفادات کے دیگر امور پر اپنے ملک کے موقف کی حمایت کرنے پر حکومت پاکستان کا شکریہ ادا کیا۔ یاؤ جنگ کا کہنا تھا کہ ہماری عوام اور قیادت نے کورونا بحران کے دوران چین کی حمایت اور پاک چین تعلقات کے فروغ کیلئے صدر مملکت ڈاکٹر عارف علوی کے کردار کو سراہا ہے۔ صدر ڈاکٹر عارف علوی کورونا وبا کے بعد چین کا دورہ کرنے والے پہلے غیر ملکی سربراہ مملکت تھے۔

loading...

چین کے سفیر نے ڈاکٹر عارف علوی کو ان کی سالگرہ پر چین کے صدر شی جن پنگ کی جانب سے مبارکباد کا پیغام بھی پہنچایا۔ صدر مملکت نے زور دیا کہ پاکستان اور چین کے درمیان انفارمیشن ٹیکنالوجی، معیشت اور دفاع کے شعبوں میں تعاون کو مزید فروغ دینے کی ضرورت ہے۔

ملاقات کے دوران ابھرتی ہوئی علاقائی صورتحال کے پیش نظر سٹریٹجک تعاون کو مزید وسعت دینے کی ضرورت پر زور دیا گیا۔ صدر مملکت نے کورونا وبا کے دوران چین کے تعاون اور اقوام متحدہ کی سلامتی کونسل میں مقبوضہ جموں وکشمیر میں بھارت کے غیر قانونی یکطرفہ اقدامات کے خلاف حمایت پر چین کا شکریہ ادا کیا۔

(Visited 18 times, 1 visits today)
Loading...
Advertisements

Comments

comments

اپنا تبصرہ بھیجیں