فواد عالم نے اداکاری کے میدان میں قدم رکھ دیا

کراچی: کرکٹ ٹیم کے آل راؤنڈر فواد عالم نے کرکٹ کے بعد اپنی قسمت اداکاری کے میدان میں بھی آزمانے کا فیصلہ کرلیا ہے۔

اپنے کرکٹ کے سفر میں بہترین پرفارمنس دینے والے پاکستانی ٹیم کے کھلاڑی فواد عالم کو کون نہیں جانتا۔ خاص طور پرجب فواد عالم نے ایک لمبے عرصے کے بعد حال ہی میں قومی ٹیم کو جوائن کیا اور شاندار پرفارمنس دی تو مداحوں سمیت انٹرنیشنل کرکٹرز سے ایک بار پھر داد بھی سمیٹی اور انٹرنیشنل میڈیا میں خبروں کی زینت بھی بنے۔

ایشوریا رائے کی ہم شکل پاکستانی لڑکی کے سوشل میڈیا پر چرچے

اب کھلاڑی نے کرکٹ کے بعد اپنی قسمت اداکاری کے میدان میں بھی آزمانے کا فیصلہ کرلیا ہے۔
فواد عالم ایک ویب سیریز کا حصہ بننے جارہے ہیں جس کا نام ’خودکش محبت‘ ہے جو کہ اردوفلکس پردکھائی جائے گی۔ ویب سیریز کے جاری کردہ پوسٹر میں فواد عالم کی تصویر کو مداح خوب سرا رہے ہیں۔