April 11, 2021

آج کل

Daily Aajkal News site

امریکا میں ڈاکٹرز نے اداکارہ میرا کو پاگل قرار دیدیا

واشنگٹن: اداکارہ میرا امریکا جا کر مشکل میں پھنس گئیں، امریکی ڈاکٹر کے ساتھ بدتمیزی اور پروٹوکول مانگنے پر انھیں پاگل قرار دے دیا گیا۔

ذرائع کے مطابق اداکارہ میرا کرونا ویکسی نیشن کے بعد بخار محسوس کر رہی تھیں، وہ دوبارہ روٹین چیک اپ کرانے کیلئے ڈاکٹر کے پاس گئیں تو وہاں اوٹ پٹانگ باتیں شروع کر دیں۔

اداکارہ میرا نے ڈاکٹر کو کہا کہ مجھے پاکستانی وزیراعظم تک پروٹوکول دیتا ہے حتیٰ کہ انھیں سینیٹ کی نشست کیلئے تحریک انصاف کی جانب سے پیشکش تک کی جا چکی ہے، کیا آپ جانتے نہیں کہ میں کون ہوں، میرا وی آئی پی طور پر چیک اپ کیا جائے۔

پاکستانی اداکارہ کی بدتمیزی بڑھی تو ڈاکٹر نے ان پر واضح کیا کہ آپ شوبز سٹار ہونگی، مگر میں اصول کے مطابق ہی مریضوں کو ڈیل کرتا ہوں۔ تاہم اداکارہ کی جانب سے اوٹ پٹانگ باتیں جاری رہیں تو ڈاکٹر نے ذہنی امراض کے سینٹر فون کرکے عملے کو طلب کر لیا۔

اداکارہ کترینہ کیف کے مداحوں کے لیے بری خبر آگئی

خبریں ہیں کہ اداکارہ میرا کو ڈاکٹرز نے پاگل قرار دیدیا ہے، وہ گزشتہ دو روز سے میڈیکل سینٹر میں ہی موجود ہیں۔ اب اس صورتحال میں ان کے سسر اور شوہر کیپٹن نوید ہی اپنی گارنٹی پر انھیں واپس لا سکتے ہیں۔

دوسری جانب اداکارہ میرا کی والدہ نے حکومت پاکستان سے مطالبہ کیا ہے کہ میری بیٹی کو وطن واپس لایا جائے۔

ادھر ذرائع کا کہنا ہے کہ تمام صورتحال کو دیکھتے ہوئے اداکارہ میرا نے اپنی غلطی تسلیم کر لی ہے۔

%d bloggers like this: