آج کل

پی ایس ایل کے بقیہ میچز ابوظہبی میں کروانے کیلیے یو اے ای نے اجازت دیدی

لاہور :  پاکستان سپر لیگ (پی ایس ایل) 6 کے بقیہ میچز  ابوظبی میں ہوں گے  جس کی تصدیق امارات کرکٹ بورڈ نے کر دی ہے۔

ذرائع کا کہنا ہے کہ تمام آپریشنل معاملات کا جائزہ لینے کے بعد پی سی بی تفصیلات جاری کرے گا۔

ذرائع کے مطابق امارات کرکٹ بورڈ کو اپنی حکومت کی جانب سے پی ایس ایل کے انعقاد کی کلیئرنس مل گئی ہے۔

ایونٹ منتقل ہونے سے فرنچائزز اور دیگراسٹیک ہولڈرز کو اضافی اخراجات کا سامنا ہے، اس  حوالے سے بھی معاملات طے کیے جائیں گے، پی ایس ایل کے براڈ کاسٹ عملے کو  یو اے ای میں انٹری کی اجازت میں مشکلات ہیں، براڈ کاسٹرز کا بیشترعملہ بھارت اور جنوبی افریقا پر مشتمل ہے اور  دونوں ملکوں کے شہریوں پر  یو اے ای میں داخلے پر پابندی ہے۔

خیال رہے کہ پی ایس 6 میں 34 میچز کھیلے جانے تھے اور ابتدائی 14 میچز پاکستان میں کھیلے جاچکے ہیں۔ ایونٹ میں شریک کھلاڑیوں میں کورونا کیسز سامنے آنے کے بعد ایونٹ ملتوی کردیا گیا تھا۔

Leave a Comment

Your email address will not be published. Required fields are marked *