یورپی یونین کے 27 رکن ممالک نے کورونا کے ٹیکوں کا کورس مکمل کرنے والے غیر ملکی شہریوں کے لیے سرحدیں کھولنے کا اعلان کیا ہے۔
عالمی خبر رساں ادارے کے مطابق یورپی یونین کے 27 ممالک کے سفیروں نے ایک معاہدہ کیا ہے جس کے تحت برطانیہ سمیت غیر یورپی ممالک سے آنے والے ایسے مسافروں کو داخلے کی اجازت ہوگی جنہوں نے کرونا کے حفاظتی ٹیکوں کا کورس مکمل کروالیا ہو۔
یورپی یونین اس وقت ایک “کوویڈ – 19 سرٹیفکیٹ” پر بھی کام کر رہا ہے جس سے مسافروں کو یہ ثابت کرنے کی اجازت دی جائے گی کہ وہ ٹیکوں کا کورس مکمل کرنے یا کوویڈ سے صحت یاب ہونے کی تصدیق کرسکیں۔
امریکی صدر نے غزہ پر حملوں کے معاملے پر اسرائیل کی حمایت کردی
اس ماہ کے اوائل میں ہی یورپی یونین کمیشن کے صدر نے یورپی ممالک کے بلاک میں سیاحت کی صنعت کو بحال کرنے اور سرحد پار دوستی کو دوبارہ استوار کرنے کے منصوبے کا اعلان کیا تھا۔
واضح رہے کہ یورپ کے بعض ممالک جیسے یونان اور اسپین سیاحت پر بہت زیادہ انحصار کرتے ہیں جب کی کورونا وبا کے باعث یہ ممالک سیاحت نہ ہونے سے شدید مالی پریشانی کا شکار ہیں۔
Discussion about this post