آج کل

شادی ہالز

عوام کو ایک کروڑ ویکسین لگانے کا ہدف مکمل کرلیا، اسد عمر

وفاقی وزیر و سربراہ این سی او سی اسد عمر نے اپنے ٹویٹر پیغام میں کہا ہے کہ لوگ اب رجسٹر بھی ہو رہے ہیں اور ویکسین بھی لگائی جا رہی ہے،

ملک میں آج کورونا ویکسی نیشن کی تعداد ایک کروڑ سے تجاوز کر جائے گی، اگر آپ نے ابھی تک ویکسین نہیں لگوائی تو جلد لگوائیں۔

دوسری جانب ملک بھر میں کورونا کے پھیلاؤ میں مسلسل کمی آنے لگی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 118 نئے کیسز رپورٹ ہوئے۔ کورونا وائرس سے 77 افراد جاں بحق ہوگئے، جس کے بعد اموات کی تعداد 21 ہزار 453 ہوگئی۔ پاکستان میں کورونا کے تصدیق شدہ کیسز کی تعداد 9 لاکھ 36 ہزار 131 ہوگئی۔

پنجاب میں 3 لاکھ 43 ہزار 31، سندھ میں 3 لاکھ 25 ہزار 110، خیبر پختونخوا میں ایک لاکھ 34 ہزار 928، بلوچستان میں 25 ہزار 961، گلگت بلتستان میں 5 ہزار 664، اسلام آباد میں 81 ہزار 871 جبکہ آزاد کشمیر میں 19 ہزار 566 کیسز رپورٹ ہوئے۔

کرونا وائرس سے مزید 77 افراد جاں بحق

ملک بھر میں اب تک ایک کروڑ 36 لاکھ 63 ہزار 666 افراد کے ٹیسٹ کئے گئے، گذشتہ 24 گھنٹوں کے دوران 43 ہزار 900 نئے ٹیسٹ کئے گئے، اب تک 8 لاکھ 69 ہزار 691 مریض صحتیاب ہوچکے ہیں جبکہ 3 ہزار 24 مریضوں کی حالت تشویشناک ہے۔

پاکستان میں کورونا سے ایک دن میں 77 افراد جاں بحق ہوئے جس کے بعد وائرس سے مرنے والوں کی تعداد 21 ہزار 453 ہوگئی۔ پنجاب میں 10 ہزار 397، سندھ میں 5 ہزار 164، خیبر پختونخوا میں 4 ہزار 170، اسلام آباد میں 766، بلوچستان میں 291، گلگت بلتستان میں 107 اور آزاد کشمیر میں 558 مریض جان سے ہاتھ دھو بیٹھے۔

Leave a Comment

Your email address will not be published. Required fields are marked *