آج کل

اپوزیشن نے بجٹ تقریر کے دوران غیر مہذب اورغیر جمہوری رویے کا مظاہرہ کیا، عثمان بزدار

لاہور: وزیراعلیٰ پنجاب سردار عثمان بزدار نے کہا ہے کہ بجٹ میں اعلان کردہ اقدامات سے ملک میں معیشت حقیقی معنوں میں مضبوط ہوگی۔

وزیر خزانہ شوکت ترین آئندہ مالی سال کا بجٹ پیش کررہے ہیں

وزیراعلیٰ پنجاب سردار عثمان بزدار نے بہترین، متوازن اور عوام دوست بجٹ پیش کرنے پر وزیراعظم عمران خان، وفاقی وزیر خزانہ شوکت ترین اور ان کی ٹیم کو مبارکباد پیش کی ہے۔

وزیراعلیٰ نے کہا کہ وزیراعظم عمران خان کی قیادت میں معاشی ٹیم نے پائیدارترقی کے لئے دو رس اقدامات کا اعلان کیا۔

انہوں نے کہا کہ اپوزیشن نے بجٹ تقریر کے دوران غیر مہذب اورغیر جمہوری رویے کا مظاہرہ کیا۔ اپوزیشن کے پاس اس بہترین بجٹ پر تنقید کرنے کی کوئی گنجائش نہیں ہے۔

عثمان بزدار کا کہنا تھا کہ موجودہ حالات میں اس سے بہتر بجٹ پیش نہیں کیا جا سکتا۔ عام آدمی کو ریلیف اور سہولتیں دی گئی ہیں۔ بجٹ میں غریب اور کم وسیلہ طبقات پر کوئی بوجھ نہیں ڈالا گیا۔ وفاقی حکومت کے عوام دوست اور غریب پرور بجٹ سے ترقی کی نئی راہیں کھلیں گی۔

Leave a Comment

Your email address will not be published. Required fields are marked *