آج کل

خضدار میں مسافر بس کھائی میں گرنے سے 18 افراد جاں بحق

خضدار: خضدار میں مسافر بس کھائی میں جاگری، حادثے میں 18 افراد جاں بحق جبکہ 30 زخمی ہوگئے جنہیں ہسپتال منتقل کر دیا گیا۔

سکیورٹی ذرائع کے مطابق وڈھ سے دادو جانے والی زائرین کی بس کھوڑی کے مقام پر الٹ کر کھائی میں جاگری، جس کے نتیجے میں بس میں سوار 18 زائرین جاں بحق جبکہ 30 زخمی ہو گئے۔

واقعہ کے بعد سکیورٹی فورسز اور علاقہ مکینوں نے زخمی ہونے والے زائرین کو خضدار کے مقامی ہسپتال منتقل کیا، جہاں انھیں طبی امداد فراہم کی گئی۔ جاں بحق افراد اور زخمیوں کا تعلق سندھ کے مختلف علاقوں سے ہے، جو پیر عبدالقادر کے عرس میں شرکت کر کے واپس جا رہے تھے۔

Leave a Comment

Your email address will not be published. Required fields are marked *