ویوو کے کم قیمت 2 اسمارٹ فونز متعارف

ویوو کے کم قیمت 2 اسمارٹ فونز متعارف

ویوو نے چند ماہ پہلے یعنی مارچ 2021 میں ایس 9 سیریز کے فونز متعارف کرائے تھے اور اب اس کے اپ ڈیٹ ماڈل پیش کردیئے گئے ہیں۔

زی ٹی ای نے 2 نئے مڈرینج اسمارٹ فونز متعارف کرادیئے

چین میں ویوو کی جانب سے ایس 10 سیریز کے 2 فونز متعارف کرائے گئے ہیں جو کہنے کو تو مڈرینج ہیں مگر ان کے فیچرز اور فلیٹ ڈیزائن متاثرکن ہیں۔

فونز کی چوڑائی محض 7.29 ملی میٹر اور وزن 173 گرام ہے۔

ایس 10 اور ایس 10 پرو پر مشتمل اس سیریز کے دونوں فونز میں 6.44 انچ کا سپرامولیڈ ڈسپلے 90 ہرٹز ریفریش ریٹ کے ساتھ دیا گیا ہے اور فنگرپرنٹ سنسر اسکرین کے اندر نصب ہے۔

دونوں فونز میں میڈیا ٹیک کا ڈیمینسٹی 1100 پراسیسر موجود ہے۔

دونوں میں 4000 ایم اے ایچ کی بیٹریاں ہیں جن کے ساتھ 44 واٹ وائرڈ فاسٹ چارجنگ سپورٹ دی گئی ہے۔

تاہم بیک کیمرا سیٹ اپ کے حوالے سے ایس 10 پرو زیادہ بہتر ہے جس کا مین کیمرا 1/1.52 انچ کے 108 میگا پکسل سنسر سے لیس ہے۔

اس کے مقابلے میں ایس 10 میں 64 میگا پکسل کا مین کیمرا دیا گیا ہے۔

دونوں فونز میں بیک پر مجموعی طور پر 3 کیمرے ہیں جن کے مین کیمروں کا تو اوپر ذکر کردیا گیا جبکہ ان کے ساتھ 8 میگا پکسل الٹرا وائیڈ اور 2 میگا پکسل میکرو کیمرے دونوں ماڈلز کا حصہ ہیں۔

دونوں فونز میں فرنٹ پر بھی ڈوئل کیمرا سیٹ اپ ہے جو 44 میگا پکسل مین اور 8 میگا پکسل الٹرا وائیڈ کیمروں پر مشتمل ہے۔

Leave a Reply