رمیز راجہ پی سی بی کے نئے چئیرمین منتخب

رمیز راجہ پی سی بی کے نئے چئیرمین منتخب

قومی کرکٹ ٹیم کے سابق کپتان رمیز راجہ پی سی بی کے نئے چئیرمین منتخب ہوگئے ہیں۔

رمیز راجہ بلامقابلہ پی سی بی کے 36 ویں چئیرمین منتخب ہوگئے، عبدالحفیظ کاردار، جاوید برکی اور اعجاز بٹ کے بعد وہ چوتھے کرکٹرز اور تیسرے سابق کپتان پیں، جنہوں نے بطور سربراہ کرکٹ بورڈ کا چارج سنبھالا ہے۔

نیشنل ہائی پرفارمنس سینٹر میں چیف الیکشن کمشنر جسٹس ریٹائرڈ عظمت شیخ کی جانب سے گورننگ بورڈ کے خصوصی اجلاس میں رمیز راجہ کے مقابلے میں کوئی امیداوار اس عہدہ پر سامنے نہیں آیا جس کے بعد چیف الیکشن کمشنر نے رمیز راجہ کی کرکٹ بورڈ کے نئے سربراہ بننے کا باقاعدہ اعلان کیا گیا۔

نیوزی لینڈ کرکٹ ٹیم 18 سال بعد پاکستان پہنچ گئی

گورننگ بورڈ کے اس اجلاس میں اسد علی خان، جواد قریشی، عاصم واجد جواد،عارف سعید اوعالیہ ظفر نے شرکت کی۔ پی سی بی کے چیف ایگزیکٹو وسیم خان بھی اس اہم اجلاس کا حصہ تھے۔

اجلاس کے شرکا نے رمیز راجہ پر بھرپور اعتماد کا اظہار کیا جس کے بعد انہوں نے چئیرمین کی کرسی پر بیٹھ کرچیف الیکشن کمشنر اور بورڈ ممبران کا شکریہ اداکیا۔ رمیزراجہ نے کرکٹ کی بہتری کے لیے مستقبل کے پلانز پر روشنی ڈالی۔

Leave a Reply