اداکارہ مایا علی نے مولانا جلال الدین رومی کا مشہور قول شیئر کر دیا

لاہور: پاکستانی کی معروف اور خوبرو اداکارہ مایا علی نے مولانا جلال الدین رومی ؒ کا مشہور قول شیئر کر دیا۔

اداکارہ مایا علی نے فوٹو اور ویڈیو شیئرنگ ایپ انسٹاگرام پر اپنی خوبصورت تصویر شیئر کی جس میں وہ سنجیدہ نظر آرہی ہیں، مداحوں کی جانب سے اداکارہ کی تصویر کو خوب سراہا جارہا ہے۔

کترینہ اور وکی کی شادی میں مہمانوں سے بیان حلفی لینے کا فیصلہ

اداکارہ نے پوسٹ شیئر کرتے ہوئے کیپشن لکھا کہ اپنی روح کو جاننے کی خواہش باقی تمام خواہشات کو ختم کردے گی۔

مایا علی نے چند گھنٹوں قبل یہ پوسٹ شیئر کی جسے اب تک ہزاروں صارفین دیکھ چکے ہیں، مداح اداکارہ کی پوسٹ پر اپنی رائے بھی دے رہے ہیں۔

مایا علی نجی ٹی وی کے ڈرامے ’پہلی سی محبت‘ میں ’رخشی‘ نامی لڑکی کا کردار ادا کیا تھا جس میں رخشی کو اسلم (شہریار منور) سے محبت ہوجاتی ہے۔ ڈرامے کی دیگر کاسٹ میں شبیر جان، حسن شہریار یاسین، نوشین شاہ و دیگر شامل تھے۔

ڈرامے کے اختتام پر مایا علی نے انسٹاگرام پر پوسٹ شیئر کرتے ہوئے لکھا کہ ہر سفر اختتام کو پہنچتا ہے، یہ ضروری نہیں کہ ہر محبت کی کہانی کا اختتام خوشگوار ہو، پہلی سی محبت اور ’رخشی‘ ہمیشہ میرا پسندیدہ کردار رہے گا۔

مایا علی نے لکھا تھا کہ کچھ محبت کی کہانیوں کو الفاظ میں بیان نہیں کیا جاسکتا وہ صرف دلوں میں رہتے ہیں اور ہر لمحے آپ کے ساتھ ہوتے ہیں۔