پہلے دن سے موقف ہے بلدیاتی الیکشن ای وی ایم سے نہیں ہو سکتے:شبلی فراز

اسلام آباد: وفاقی وزیر برائے سائنس و ٹیکنالوجی شبلی فراز نے کہا ہے کہ میرا پہلے دن سے موقف ہے کہ بلدیاتی الیکشن ای وی ایم سے نہیں ہو سکتے ۔

گفتگو کرتے ہوئے سائنس و ٹیکنالوجی کے وزیر شبلی فراز کا کہنا تھا کہ صرف میئر اور ڈپٹی میئر کے الیکشن ای وی ایم پرہوسکتے ہیں، ای وی ایم صرف قومی اور صوبائی اسمبلی کے چناؤ کے لیے بنائی گئی ہے ، بلدیاتی انتخابات میں زیادہ پینل ہو تے ہیں، اس لیے یہ مشین استعمال نہیں ہو سکتی۔

پنجاب میں اصل مقابلہ پی ٹی آئی اور ن لیگ کے درمیان ہوگا: فواد چودھری

شبلی فراز کا مزید کہنا تھا کہ وزارت سائنس و ٹیکنالوجی خود مشینیں نہیں بناتی، وہ صرف الیکشن کمیشن کو خریداری میں سہولت فراہم کر سکتی ہے۔