فارن فنڈنگ کیس میں بھی ذلت ورسوائی نااہل لیگ کا مقدر ہے، شہباز گل

Loading...

اسلام آباد: معاون خصوصی ڈاکٹر شہباز گل نے کہا ہے کہ وزیراعظم کے اوپن سماعت کے بیان نے درباریوں کے چھکے چھڑا دیئے،جعلی کیلبری فونٹ استعمال کرنے والی جعلسازی محترمہ احتجاج کا ڈھونگ رچا رہی ہیں۔

فارن فنڈنگ کیس پانامہ ٹو بنے گا، مریم کی بہت ساری جائیدادیں نکل آئیں گی، شیخ رشید

معاون خصوصی برائے سیاسی ابلاغ ڈاکٹر شہباز گل نے مریم اورنگزیب کے بیان پر ردعمل دیتے ہوئے کہا کہ فارن فنڈنگ کیس میں بھی ذلت ورسوائی نااہل لیگ کا مقدر ہے، میاں مفرور نے پارٹی اکاؤنٹس کے ذریعے بھی منی لانڈرنگ کی، نااہل لیگ نے ہمیشہ عوام کو گمراہ کیا۔

انہوں نے کہا کہ ریکارڈ دبانے والے، رسیدیں چھپانے والے آپ ہیں۔ پی ٹی آئی نے 40 ہزار ڈونرز کا ریکارڈ دیا، ریکارڈ کے نام پر قطری خط، جعلی ٹرسٹ ڈیڈ والے پروپیگنڈا میں مصروف ہیں۔ انہوں نے ن لیگی رہنماوں کو مخاطب کرتے ہوئے کہا کہ اداروں کو دھمکانے کی بجائے الیکشن کمیشن میں ریکارڈ جمع کروائیں۔

Loading...

واضح رہے کہ مسلم لیگ (ن) کی ترجمان مریم اورنگزیب نے وزیراعظم عمران خان کو فارن فنڈنگ کیس عوام کے سامنے اوپن کرنے کے دعوے پر عمل درآمد کا چیلنج دیا تھا ،ان کا کہنا تھا کہ عمران صاحب، اب اپنے بیانات سے اپنے آپ کو بیوقوف بنا رہے ہیں اب عوام کو مزید بیوقوف نہیں بنایا جا سکتا۔

(Visited 8 times, 1 visits today)
Loading...

Comments

comments

اپنا تبصرہ بھیجیں