کراچی ٹیسٹ: جنوبی افریقا کی ٹیم اپنی پہلی اننگز میں 220 رنز پر آؤٹ

Loading...

کراچی ٹیسٹ میں پاکستانی اسپنرز کا جادو چل گیا اور جنوبی  افریقا کی ٹیم اپنی پہلی اننگز میں 220 رنز پر آؤٹ ہو گئی

پی سی بی چیئرمین اور گورننگ بورڈ ممبران کے اخراجات کی تفصیلات سامنے آ گئیں

نیشنل اسٹیڈیم کراچی میں 14سال بعد ٹیسٹ میچ کھیلا جا رہا ہے جس میں پاکستان اور جنوبی افریقا ٹیمین دو ٹیسٹ میچوں کی سیریز کے پہلے میچ میں مدمقابل ہیں۔

جنوبی افریقا نے بیٹنگ کے لیے سازگار وکٹ پر ٹاس جیت کر پہلے بیٹنگ کا فیصلہ کیا لیکن کھانے کے وقفے کے بعد مہمان ٹیم کے بلے باز لڑکھڑا گئے۔

جنوبی افریقا کی پہلی وکٹ 30 کے مجموعے پر گری جب ایڈن مارکرم صرف 13 رنز بناکر شاہین آفریدی کی گیند پر سلپ پر کیچ آؤٹ ہوگئے۔

قومی ٹیم میں ڈیبیو کرنے والے عمران بٹ نے ایڈن مارکرم کا شاندار کیچ لے کر کیرئیر کا ایک یادگار آغاز کیا۔

پہلے سیشن میں جنوبی افریقا کو دو وکٹوں کا نقصان اٹھانا پڑا لیکن کھانے کے وقفے کے بعد پاکستانی اسپنرز نے شاندار بولنگ کی۔

جنوبی افریقا کی جانب سے اوپنر ڈین ایلگر 58 رنز کے ساتھ سرفہرست رہے جب کہ جارج لنڈے نے 35 رنز اور فاف ڈوپلسی نے 23 رنز بنائے۔

پاکستان کی جانب سے اسپنرز یاسر شاہ نے رنز دے کر تین، ڈیبیو کرنے والے نعمان علی  اور شاہین شاہ آفریدی نے دو، دو  وکٹیں حاصل کیں۔

Loading...

اس سے قبل ٹاس کے موقع پر قومی ٹیم کے کپتان بابر اعظم نے کہا کہ ہم بھی ٹاس جیت کر بیٹنگ کا فیصلہ کرتے، جنوبی افریقا کی ٹیم دنیا کی بہترین ٹیموں میں سے ایک ہے، وکٹ بہت خشک ہے ، لگ رہا ہے گیند بریک ہو گا۔

 بابر اعظم نے بتایا کہ پاکستان کی طرف سے عمران بٹ اور نعمان علی کا ڈیبیو ہے۔

قومی ٹیم میں ڈیبیو کرنے والے عمران بٹ کو یونس خان اور نعمان علی کو یاسر شاہ نے ٹیسٹ کیپ دی۔

قومی ٹیم جن 11 کھلاڑیوں پر مشتمل ہے ان میں کپتان بابر اعظم، اظہر علی، عابد علی ،عمران بٹ، محمد رضوان ، فہیم اشرف، شاہین شاہ،  حسن علی، فواد عالم ، نعمان علی اور یاسر شاہ شامل ہیں۔

مہمان ٹیم پاکستان کے خلاف 2 ٹیسٹ اور 3 ٹی ٹوئنٹی میچز کھیلے گی۔

خیال رہے کہ جنوبی افریقا نے اس سے قبل 2007 میں پاکستان کا دورہ کیا تھا تو نیشنل اسٹیڈیم میں بھی ٹیسٹ میچ کھیلا تھا۔

(Visited 8 times, 1 visits today)
Loading...

Comments

comments

اپنا تبصرہ بھیجیں