اونچی ہیل پہننے والی خواتین خبردار ہوجائیں ۔۔۔!

خواتین میں اونچی ہیل پہننے کا فیشن بڑھتا جارہا ہے۔ اونچی ہیل خوبصورت تو لگتی ہے لیکن خواتین اس بات سے ناواقف ہیں کہ اس کے کتنے شدید نقصانات ہے ۔خواتین کو اس فیشن کی قیمت صحت پر پڑنے والے مضر اثرات کی صورت میں چکانی پڑتی ہے ۔

پنڈلیوں میں درد

اونچی ہیل سے آپ کی پنڈلیوں کے عضلات کو شدید نقصان پہنچتا ہے۔ یہ ابھری ہوئی نسوں اور شدید درد کا باعث بھی بن سکتا ہے۔ زیادہ دیر تک اونچی ہیل پہن کررکھنے سے پاؤں، انگوٹھوں ، تلوں اور ایڑھیوں میں درد ہوسکتا ہے۔

کمر کو نقصان

ہیل پہن کر آپ کا جسم غیر متوازن سہارے پر ہوتا ہے۔ اس کی وجہ سے پاؤں پر جسمانی وزن غیر مساوی طور پر تقسیم ہوتا ہے جس سے غیر آرام دہ احساس، سوزش اور نچلی کمر کے حصوں میں درد محسوس ہوسکتا ہے۔

ٹخنے کی ہڈی

بعض دفعہ چلتے ہوئے آپ کا پاؤں مُڑ جاتا ہے جس سے ٹخنوں میں درد کی شدید لہر پیدا ہوتی ہے جسے ankle sprains کہتے ہیں ۔ ہیلز پہننے والی خواتین کا معاملہ مختلف ہوتا ہے۔ صرف درد ہی نہیں بلکہ چلتے چلتے پاؤں اگر اسی انداز سے مُڑ جائے تو ٹخنے کی ہڈی ٹوٹنے کا خطرہ ہوتا ہے۔

خون کی رگیں

اونچی ہیلز سے خون کی رگیں دب جاتی ہیں۔ اس،وجہ سے خون کے بہاؤ میں رکاوٹ آسکتی ہے۔ شدید صورت میں یہ رگیں پھٹ بھی سکتی ہیں۔ اونچی ہیل کا سب سے بدترین نقصان hammer toe ہے . یہ اس حالت کو کہتے ہیں جب پاؤں کی اُنگلی بیچ میں سے مڑ جاتی ہے جو کہ پنڈلی، خون کی رگوں اور پاؤں کی ہیئت کو خطرناک حد تک متاثر کرتی ہے۔

جوڑوں کی بیماری

اونچی ہیل آپ کی ٹانگ کے جوڑوں کو بھی متاثر کرتی ہے۔ ہیل پہننے سے ران کی پوزیشن تبدیل ہوتی ہے جس سے گھٹنے کی ہڈیوں پر اثر پڑتا ہے۔ یہ صورت osteoarthritis (جوڑوں کا مرض) بھی پیدا کرسکتی ہے۔