مرد پولیس اہلکار میری ماں کو مارتے ہوئے ساتھ لے گئے، ایمان مزاری

پاکستان تحریک انصاف (پی ٹی آئی) کی رہنما شیریں مزاری کی بیٹی ایمان مزاری کا کہنا ہے کہ مرد پولیس اہلکار میری ماں کو مارتے ہوئے ساتھ لے گئے۔

ایمان مزاری نے سماجی رابطے کی سائٹ ٹوئٹر پر جاری بیان میں کہا کہ مرد پولیس اہلکاروں نے میری ماں کو گرفتار کیا۔ انہوں نے کہا کہ مجھے صرف یہ بتایا گیا کہ گرفتار کرنے والے اینٹی کرپشن ونگ لاہور کے اہلکار ہیں۔

Male police officers have beaten and taken my mother away. All I have been told is that Anti Corruption Wing Lahore has taken her.

— Imaan Zainab Mazari-Hazir (@ImaanZHazir) May 21, 2022

میری والدہ کو کچھ ہوا تو میں ان لوگوں کو چھوڑوں گی نہیں، غنڈوں اور بےغیرتوں کی طرح ایک خاتون کو اٹھایا گیا۔ ہمارے خاندان والوں کو بھی کچھ نہیں بتایا گیا، حکومت کو اس طرح کی بےغیرتی کرنی ہے تو میں اس حکومت کے پیچھے آؤں گی۔

خیال رہے کہ پاکستان تحریک انصاف (پی ٹی آئی) کی رہنما شیریں مزاری کو گرفتار کرلیا گیا ہے۔ ذرائع کے مطابق زمین پر قبضے کے کیس میں اینٹی کرپشن پنجاب کی ٹیم نے شیریں مزاری کو گرفتار کیا ہے۔