بلوچستان کے ضلع سبی میں سیلابی ریلا مسافر وین بہالےگیا، جس کے نیتجے میں 5 افراد جاں بحق اور 2 زخمی ہوگئے ۔
صدر مملکت عارف علوی نے الیکشن ترمیمی بل دستخط کیے بغیر واپس بھجوا دیا
پی ڈی ایم اے کے مطابق سبی کے علاقےکٹ منڈی میں سیلابی ریلے میں وین بہہ گئی جس کے نتیجے میں 5 افراد جاں بحق ہوگئے۔
وین میں بچوں سمیت 15 سےزائد افراد سوار تھے، جاں بحق ہونے والوں میں 4 خواتین اور ایک بچی شامل ہے، 10 افراد کو بچالیا گیا، 2 افراد زخمی بھی ہوئے ہیں۔
ریسکیو ذرائع کے مطابق لاشوں اور زخمیوں کو نکال کر قریبی اسپتال منتقل کردیا گیا ہے۔
دوسری جانب بارشوں کے بعد بلوچستان کے مختلف اضلاع میں سیلابی صورتحال ہے، بارکھان میں عيشانی باڈیانی ڈیم اوور فلو ہوگیا ہے، ڈيرہ بگٹی اور موسیٰ خیل کے بعض علاقے زیر آب آگئے۔
شمال مشرقی بلوچستان میں آج مزید بارشوں کی پیش گوئی کی گئی ہے، ڈی جی خان اور ڈی آئی خان کے ساتھ بلوچستان کے سرحدی اضلاع میں فلڈ وارننگ جاری کی گئی ہے۔
Discussion about this post